Проблемите со производство кои ги има Intel поради кои веќе подолго време се одложува почетокот на 7nm чипови, одлично се погоди за повторно вратените на пазарот AMD. Тие минатиот месец ги претставија своите три нови процесори за десктоп компјутерите од Ryzen 5000 серијата и како што се очекуваше, купувачите во огромни бројки ги купуваат.
Зголемената популарност на AMD, во комбинација со застојот на Intel, сигурно се главниот фактор за големата заинтересираност за купување на Ryzen 5000 процесорите. Да беше пазарот во „нормални“ услови, сигурно претставување на нова генерација од десктоп процесори, немаше да претставува нешто толку многу важно.
Според информациите, кои сепак уште не се потврдени со официјални бројки, голем дел од продавниците каде се достапни Ryzen 5000 процесорите, ги имаат продадено во рекордно време и сега чекаат на втората залиха од AMD.
Рекордните продажби ги објавуваат повеќе продавници во Британија и Германија, па иако нема начин да се потврдат големите бројки, сепак расположението и атмосферата на пазарот прават да такво нешто реално се очекува.
Intel слободно може да се каже дека ќе мора навистина да се потруди за да не почне да губи сериозен дел од пазарот, а посебно по официјалното пуштање на M1 чипот од Apple, со што Mac компјутерите постепено ќе почнат да работат на него, наместо на Intel.
