Иако изгледа дека во денешно време цел свет е поврзан, сепак многу региони немаат или никаков или многу слаб интернет пристап. Оваа состојба секако влијае на можностите кои им се достапни на луѓето во тие региони, а развојот на инфраструктура од оптички кабли не се смета за исплатлива работа.

Project Taara, дел од Alphabet, компанијата под која е Google, развива одличен начин за обезбедување на интернет пристап кој не бара голема инвестиција, а овозможува големи брзини, споредливи со тие преку оптичките кабли.

Причината поради која технологијата која ја користи Project Taara може да овозможи брз интернет пристап е користењето на светлосни зраци, а ова е начинот на којшто функционираат и оптичките кабли. Во овој случај светлината не патува низ каблите, туку од една базна станица до друга, со што поставувањето е многу полесно.

Две базни станици можат да комуницираат помеѓу себе на оддалеченост од 20 километри, а брзината која може да се постигне на комуникација е 20 гигабити во секунда и повеќе. Со ова се овозможува да се постигне ефект ист со поврзување на местата со оптички кабли, меѓутоа без потребната инвестиција која доаѓа со нив.

Проблемот со пуштањето на оптичка мрежа е што за истата е потребно копање, нешто што во одредени региони каде треба да се поминат планини, реки и слично, не е баш евтино, посебно кога треба да се поврзат помали и неразвиени градови.

Project Taara не е нов проект од Alphabet, има добиено само ново име и покрај веќе тестирањата во Индија, е во план да се искористи технологијата за поврзување на одредени места во Кенија. Идејата во оваа фаза е да се овозможи поврзување на повеќе места во Африка, каде и бројот на неповрзани населби е голем.

Технологија за брза комуникација помеѓу две насочени една кон друга базни станици веќе постои одамна, но тие работат на радио бранови, наместо на светлосни. Поради тоа брзината и стабилноста која се постигнува не се ни споредуваат.

ИЗВОРPCMag
ИЗВОР 2Project Taara
Претходна статијаСите нејзини тајни (The Secret She Keeps) – Нова австралиска серија на Pickbox NOW
Следна статијаНовите Ryzen 5000 процесори од AMD се продаваат во рекордни бројки според првичните информации
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.