Водено ладење, во лаптоп, досега беше научна фантастика. Решението на Asus во новиот ROG GX700 гејмерски модел не е најелегантно и преносно, но барем овозможува перформанси многу блиски на десктоп гејмерска машина, што секако не е за потценување.
Покрај тоа што има водено ладење, GX700 е меѓу првите со новата серија на Skylake K серијата на процесори на Intel, кои се пак првите процесори на компанијата што се наменети за лаптопи и се отклучени. Ова значи дека зголемувањето на фреквенцијата, односно популарниот “overclock”, ќе е многу лесен, само со менување на вредностите во BIOS-от.
Лаптопот доаѓа и со GTX серијата на графички на Nvidia и со дисплеј со максимум Ultra HD резолуција, растегнати на дијагонала од 17 инчи. Секако, како и секој гејмерски лаптоп и овој е опремен со осветлена тастатура.
Делот за водено ладење секако е дополнителен, бидејќи истиот не би можел да се вгради во тенкото куќиште на лаптопот. Ставањето на ладењето е лесно и не бара некое посебно знаење, иако загрижуваат конекторите за цевките за вода, кои не сум сигурен колку долго би издржале…
Заедно со него, GX70 станува голем скоро колку десктоп компјутер, но добрата вест е што корисникот не мора да го користи секогаш ладењето, односно тоа е повеќе наменето за корисниците кои ќе ги користат “overclock” можностите, кога водењето ладење е морално.
Како и да е, ете, за сите кои сакаат максимум детали во најновите игри, ете, сега има и лаптоп со водено ладење.
