Model Y треба да биде второто SUV возило од компанијата по претставувањето на Model X.
За разлика од првото вакво возило од Tesla, Model Y треба да биде помал, односно повеќе во категоријата на Model 3 којшто има верзија која се продава за „ниски“ 35.000 долари.
Според компанијата, Model Y ќе дели 75% од деловите со кои е направен Model 3, а ќе биде само 10% поголем од него.
Овие два модели имаат за цел да ги направат многу подостапни автомобилите од компанијата, а посебно во време кога голем дел од останатите познати производители почнуваат да претставуваат свои електирчни автомобили, а тука се и новите конкуренти.
Елон Маск го најави претставувањето на Model Y за 14-ти март, а истото го направи како и секогаш, преку неговиот Twitter профил.
Model Y unveil event on March 14 at LA Design Studio
— Elon Musk (@elonmusk) March 3, 2019
Може да се каже дека Tesla овој период почнува со средување на малиот пад на „сериозноста“ по проблемите кои ги предизвика Маск, како и доцнењето со производството на нарачаните модели.
Tesla исто така минатата недела најави дека ќе ги затвори повеќето свои продажни салони и ќе продолжи со продажба на автомобилите само онлајн.