Оваа недела Intel „слави“ 40 години од првиот x86 процесор, односно процесор направен во технологија која се употребува понатаму во компјутерите. Оригиналниот 8086 процесор од Intel бил претставен на 8-ми јуни 1978 година и како што истакнуваат тоа бил првиот 16-битен процесор и првиот процесор компатибилен со модерните персонални компјутери.
Процесорот којшто го претставија од Intel на годинешниот Computex настан е со ограничена достапност, односно Limited Edition. Процесорот е од осмата генерација и од i7 серијата, па ја носи ознаката Intel Core i7-8086K.
Овој процесор од Intel е првиот процесор од Intel којшто може да работи до 5.0 GHz на едно јадро во турбо режим на работа. Од компанијата истакнуваат дека поголемите перформанси на едно јадро овозможуваат многу подобро искористување на процесорот за игри, како и за одредени апликации за креирање на содржина, како на пример работа со видео содржина.
Intel Core i7-8086K исто така треба да се истакне дека е целосно отклучен за overclocking, па корисниците може да се замисли само што би можеле да направат со еден ваков процесор.
Поради годишнината, Intel планира да додели 8.806 вакви процесори преку нивната страна, во рок од 24 часа почнувајќи од утре, односно од 7-ми јуни. За жал, нашата земја не е во листата на подржани земји, па како што би очекувале, не може да учествуваме во шансата да го добиеме овој процесор.