Развивачката платформа Unreal Engine 4.5, која во целост ги смени игрите во изминативе две децении, со најновата верзија ветува уште поприроден изглед и фантастични визуелни ефекти.
Додадените подповршини овозможуваат светлосните ефекти да се распрскуваат со што дигиталната кожа делува речиси природно. Овие нови ефекти ќе помогнат околку подобрување на графиката на околината како што се лисја, восок од свеќа или други навидум небитни материјали кои се занемаруваат во создавањето на игрите.
Она што го сметаат за ново и возбудливо е новиот метод за динамична сенка кое работи на тој начин што се следи зрак преку полињата до изворот на светлина, што пак овозможува сенките да изгледаат многу реалистични. Исто така со новиот Unreal Motion Graphics програмерите ќе можат многу полесно да создадат сопствен кориснички интерфејс.
Повеќето од новитетите што ги најавуваат од студиото Epic се animation retargeting, automatic C++ hot reload, light map UV generation и streaming video textures. Оваа нова верзија на Epic има повеќе од 40 карактеристики и подобрувања со помош на огромната заедница.
Секако во блиска иднина може да очекуваме значително подобрување во графиката на голем број игри кои ќе го користат овој развивачки систем со кое ќе се овозможи многу пореална графика и поинтересни гејмерски искуства.
Извор: Engadget, Unreal Engine