Valve од почетокот на годината, поточно од вчерашниот ден, официјално ја заврши поддршката за постарите оперативни системи Windows 7, Windows 8 и Windows 8.1. Со тоа нивната Steam апликација за игри веќе нема да добива нови верзии на овие системи, а со тек на време корисниците нема да можат ни да ги играат игрите.
Причината за ова е позната, се работи за постари верзии од Windows кои веќе не се поддржани, а поддршката е тргната и од страна на Google за нивниот Chrome, кој се користи за функционирањето на дел од Steam апликацијата.
Според информациите, мал е бројот на корисници кои ќе бидат засегнати од ова, а овие верзии на Windows имаат многу мал удел во бројот на корисници на Steam, под 1%. Најблиску до овој процент е Windows 7 64-bit, со 0,68%.
Steam ќе продолжи да функционира официјално на Windows 10 и Windows 11, а моментално најголемиот број на корисници доаѓаат очекувано од Windows 10, но ова се очекува да се промени, најверојатно во текот на оваа година.
Во февруари поддршката од Valve ќе ја изгубат и корисниците на macOS 10.13 и 10.14, но процентите на засегнати корисници на овој систем се уште „поневажни“.