Сликањето на самиот себе и поставувањето на сликата на некоја од социјалните мрежи е одамна популарно, а популарноста се зголеми после претставувањето на Galaxy S5 кога се појавија слики од актери како го користат овој паметен телефон да се сликаат. Посебен збор за оваа активност немаме, па така повеќето го користат англискиот selfie, а истото име го носи и огледалото на правено од iStrategyLabs.
SELFIE, односно Self Enhancing Live Feed Image Engine е огледало кое што покрај за неговата основна намена, може да се користи за да се сликате самите себе. Ова огледало има вградено камера, LED светилки и Mac mini компјутер на кој што работи софтвер за препознавање на лица. Се што треба да направите е да застанете пред огледалото на одредена позиција означена со винилна лента на вашиот под, да се насмевнете и сликата автоматски ќе биде сликана и поставена на Twitter. LED светилките, кои што се контролирани од Audrino посебно хардверско и софтверско решение за осветлување, светат за да го означат одбројувањето до сликањето, а потоа симулираат флеш за време на сликањето.
Од компанијата нагласуваат дека сите заинтересирани може да ги контактираат за изработка на ова огледало. Може да се користи од било кого, односно во професионални околини, но и дома.