Raspberry Pi е мини компјутер, поточно мини матична плоча која доаѓа со процесор, меморија, потребни приклучоци и мрежни адаптери. Стана многу популарен поради ниската цена од само 35 долари со што им овозможи на огромен број на развивачи и студенти да експериментираат на разни проекти.
Овој компјутер моментално е до својата трета верзија, односно Raspberry Pi 3, која на корисниците им донесе одредени подобрувања, а ја задржи истата ниска цена од 35 долари.
Моментално овој мини компјутер се користи со големиот број на Linux дистрибуции, како и Windows 10. Според нови информации, уредот можно е да добие официјална поддршка од Google за работа на нивниот Android оперативен систем.
Информацијата сепак не е потврдена, па останува само на претпоставка поради објавата на AOSP страната.
Со оглед на популарноста на Android и неговиот развој, би било чудно да оперативниот систем не е официјално поддржан од Google. Програмерите ќе добијат дополнителни предности за развивање и креирање на интересни уреди.
Извор: Cnet, Android Police
