Asus матични плочи на AM4 платформата за новите Ryzen процесори по доста прифатлива цена

Четири модели на Asus матични плочи се спремни за порачување пред нивното официјално претставување на 24 февруари. Четрите плочи се од средна, односно висока класа на модели кои ги имаат имплеметирано B350 и X370 чипсетите.

Asus AM4 X370 Crosshair VI Hero е плоча од највисоката класа која ќе го има X370 чипсетот, најновиот аудио кодек – S1220A со ROG exclusive SupremeFX аудио, еден слот за M.2 SSD, 9 USB 3.1 порти од кои една за предниот панел, 4 USB 2.0 порти, 8 SATA 3 порти, SLI во 2 правци и Crossfire во 3 правци, приспособливо RGB осветлувње со 2 лежишта за лет ленти, автоматска како и мануелна можност за Overclock како и вграден AC безжичен интернет. Цената за предвремена порачка е 209 долари.

Asus AM4 Prime X370-PRO е плоча од средната класа со X370 чипсет која има одлични карактеристики за цена од 139 долари. Како и Crosshair VI Hero, Prime X370-PRO го има најновиот аудио кодек S1220A, едно лежиште за M.2 SSD, 5 USB 3.1 порти од кои една за предниот панел и 4 USB 2.0 порти, RGB осветлување со еден конектор за LED ленти, SLI во 2 правци и Crossfire во 3 правци со поддржка за автоматски и мануелен Overclock.

B350 чипсетот е од средната класа на чипсет кој исто така ќе има можност за автоматски и мануелен Overclock, но со доста помал број на USB порти, без M.2 слот за SSD и помал број на SATA 3 порти. Секако B350 нема да бидат исто толку привлечни како и X370 моделите но ќе бидат со доста пониска цена од 89 и 69 долари.

Засега AMD продолжуваат со своите изненадувања, според овие цени и цените на AMD Ryzen процесорите ќе добиеме одлични конфигурации за доста прифатливи суми.

Извор: WCCFTech