Meizu можеби не е успешен како останатите кинески производители, но нивните смартфони се вистински интересни за нашиот купувач, бидејќи нудат солидни спецификации и изработка по многу ниска цена. Таков е и новиот M5s, кој е изработен од алуминиум и чини само 115 долари во Кина.
Секако, за таа цена не може да очекувате особено моќни компоненти. Процесорот е MediaTek MT6753 со осум јадра на 1,3 GHz, помогнат од 3GB рам меморија и 16 GB, односно 32 GB простор зависно од моделот. Во телефонот има и простор за micro SD картичка, што го прави моделот со помал капацитет уште поинтересен, бидејќи чини само 115 долари, наспроти 145 долари за моделот со 32 GB.
M5s е опремен со задна камера со 13 мегапиксели и f/2.2 бленда, додека предната камера има 5 мегапиксели. Батеријата има мошне солидни 3.000 mAh, кои треба да бидат и повеќе од доволни за целодневно користење, особено што 5,2 инчниот IPS дисплеј има само HD резолуција. Meizu M5s има и читач за отпечатоци на прстите поставен напред.
Телефонот ќе биде понуден во четири бои: црна, сребрена, златна и розе златна, како многу модели од високата класа. Како и многу други модели од Кина и овој има поддршка за dual SIM. Иако не е најавено, Meizu M5s би требало да пристигне и на другите пазари во светот.
Извор: GSM Arena, Slash Gear, NDTV