Како што повеќето од вас веќе знаат, Foursquare реши својата апликација да ја подели на две, односно постојната да ја надгради и да служи за наоѓање на места, а чекирањето на тие места да го пренесе на нова апликација. Таа апликација е Swarm и повеќето од вас веќе ја користат. На претставувањето оваа апликација веднаш беше достапна за двете најпознати платформи Android и iOS, а достапноста и за Windows Phone беше најавена за ова лето, без некоја конкретна дата за очекување. Од компанијата се при крај со изработката на новата верзија од Foursquare апликацијата, па денеска можеше да се види како таа ќе изгледа и како ќе работи.
Исто така од компанијата решија да прикажат неколку слики од Swarm апликацијата за Windows Phone која што треба да биде достапна за корисниците наскоро. Од Foursquare преку својот блог изјавија дека откако ја имаат претставено апликација за другите платформи биле контактирани од голем број на Windows Phone корисници. Апликацијата е во изработка и ќе биде достапна наскоро, односно во наредните неколку недели. Додека истата биде достапна за корисниците, тие ќе можат да продолжат да ја користат Foursquare апликацијата за чекирање. Во меѓувреме можете да ги погледнете слики на кои што е прикажана апликацијата за оваа платформа.
Извор: Foursqare
