Веќе можевме да прочитаме за можноста Microsoft да ја примени својата нова политика на присутност на сите платформи и за Cortana, персоналниот асистент конкурент на Siri и Google Now. Додека минатата година тоа беше истакнато во форма на можност, сега информациите стануваат посериозни.
Информациите доаѓаат од Reuters од нивни извори кои што се запознаени со случувањата во компанијата. Според нив, Cortana ќе биде достапна како било која друга апликација преку продавниците, односно преку Apple App Store на iOS и преку Play Store на Android.
Достапноста на другите платформи се очекува во периодот кога ќе биде пуштена најновата верзија од Windows оперативниот систем, Windows 10. Оперативниот систем ќе биде направен да функционира на сите достапни уреди, а Cortana ќе биде достапна и за десктоп корисниците.
Друга информација која што доаѓа од изворите на Reuters е унапредувањето на Cortana во верзиите кои што ќе доаѓаат. Според нив, основа за нејзиниот развој е проектот за развој на вештачката интелигенција Einstein. Овој проект ќе и помогна на Cortana да може да ги чита и разбира email пораките и да им овозможи на корисниците соодветни услуги.
