Како дел од нова документарна серија на HBO, AXIOS, составена од 4 дела, во која интервју даваат и Бил Гејтс и Френклин Греам, Елон Маск разговара не една од најмногу популарните теми кога е тој во прашање, Мисијата на Марс.
Познато е дека SpaceX работи на план за колонизирање на, како што ја викаат, црвената планета, иако тоа не е воопшто лесно.
Сепак, како што истакнува Маск во интервјуто за HBO, одредени работи кои порано не биле достапни сега се достапни, па една ваква мисија сигурно веќе не е незамислива. Тој исто така истакнува дека мисија на Марс ќе биде возможна за време на нашиот животен век.
Во интервјуто го прашуваат, дека веќе има 47 години, кои се шансите дека тој лично ќе оди на Марс, на што тој одговара, 70%. Исто така тој нагласува дека одењето на Марс ќе значи и селење на таа планета, односно дека шансите да се врати некој од таму се многу мали.
Интересно, новинарите го носат разговорот во правец на тоа дека одењето на Марс ќе биде еден вид на можност за „бегање“ на богатите, на што Маск одговара дека тоа не е случајот. Мисијата на Марс е ризична и дури и да успешно се слета на планетата, потоа има многу работа за да се успее да се преживее таму. Мисијата тој ја споредува со одење на Антарктика и Хималаите. Тоа значи дека шансите за непреживување се големи, а целата работа се прави поради предизвикот.
