Sony почна да прима нарачки за своите паметни очила SmartEyeGlass, кои што беа претставени минатата година. Ќе бидат достапни во ограничена бројка на земји, а ќе се продаваат по цена од околу 840 долари и во оваа фаза се во главно наменети за програмерите. За ниви достапна е SDK алатката која што може да ја користат за развивање на апликации кои што ќе бидат наменети за очилата.
Иако се претставуваат како конкуренција на Google Glass и го претставуваат истиот концепт, тие сепак се направени и функционираат на нешто поразличен начин. За разлика од очилата на Google, SmartEyeGlass ја прикажуваат сликата преку стаклата кои што се всушност екранот. Тој е 8-битен монохром екран кој што овозможува поминување на светлината до 85%. На овој екран не може да се очекува прикажување на слики и видеа како што сме научени денес, па тој е наменет за едноставно прикажување на информациите кои што би му биле потребни на корисник на еден ваков производ.
Исто така, за разлика од другите слични производи, очилата од Sony, батеријата, микрофонот и контролите ги имаат сместено на посебен уред кој што е поврзан со очилата и е наменет да се носи закачен на јакната, на пример. Преку овој уред може да се контролираат апликациите, а исто така служи и за гласовните команди.
За работа со очилата потребно е поврзување со мобилен телефон, што во случајот со SmartEyeGlass е неопходно за нивна работа. Во продолжение најдобро може да се види концептот на овие очила преку видеото од Sony.
