Досетливоста на жена од САД да ја искористи мобилната апликација од познатата пицерија Pizza Hut, довела до успешно разрешување на потенцијално опасната ситуација. Поточно, жената била држена како заложник заедно со своите деца по расправија со нејзиниот дечко.
Таа успеала да го натера него да и го врати мобилниот телефон за да нарача пица преку мобилната апликација. Апликацијата покрај можноста за нарачки, имала простор за оставање на коментари кои што не се дел од главната нарачка. Жената во тој дел напишала „Ве молам помогнете ми. Повикајте 911 кај мене. 911 заложник помогнете“.
Фактот дека таа била редовен купувач и била препознаена, довело до тоа да вработените во Pizza Hut навистина викнат полиција, наместо да мислат дека некој се шегува со нив. Таа дури ја има нарачано стандардната нарачка која што најчесто ја прави.
Полицијата дошла на местото, па по 20 минутни разговори успеала да го наговори мажот да ги ослободи жената и децата.
Извор: Ars Technica, Highlands Sheriff
