Корисниците веќе одреден период имаа можност да го користат Skype преку нивниот Outlook.com веб сервис директно од нивниот прелистувач. Оваа функција беше достапна за одредени пазари, а од оваа недела овој сервис е достапен за сите корисници во светот. За користење на оваа можност, корисниците е потребно да ги поврзат двете сметки, односно да наместат достапност на Skype кога се во нивниот Outlook.com inbox.
Со светската достапност, Skype for Outlook.com донесува и одредени нови функции, па така сега корисниците ќе може покрај стандардните пораки и повици, да прават и HD видео повици. Можноста за обични аудио повици е исто така достапна. За да може да ја користат оваа функција преку нивниот прелистувач корисниците треба да симнат и инсталираат додаток за прелистувачот кој што е достапен преку следниот линк. Додаток е достапен и за корисниците на Safari на OS X оперативниот систем од Apple.
Исто така исправен е и проблемот кој што предизвикуваше да корисниците кои што се во исто време поврзани на Skype на нивниот десктоп и на Outlook.com кога добиваат повик и ќе го одговорат преку една од верзиите, другата да продолжи да ѕвони.
Извор: Skype Blogs