Тоа што започна како тест во Нов Зеланд и Филипините, сега изгледа може да се очекува во повеќе земји, ако не и во сите. X во основа планираат да им наплаќаат на сите нови корисници, односно ново креирани сметки, за да можат да објавуваат, да „лајкуваат“, да зачувуваат објави или да одговараат на објавите.
Сумата која би била поставена треба да е мала, во тест земјите истата изнесува 1 долар месечно, а причината за оваа претплата е справувањето со спам и бот сметките.
Во основа, целта е да на огромниот број на бот сметки кои се отвораат им стане неисплатливо затоа што и нема да може од иста платежна картичка да се платат повеќе сметки.
Елон Маск истакнува дека бот сметките со развојот на вештачката интелигенција е скоро невозможно да се разликуваат од останатите, па потребни се вакви мерки.
Дека проширувањето на оваа мерка се планира објави Елон Маск како одговор на неговата мрежа баш на оваа тема. Тој исто така додаде дека новите корисници ќе треба да плаќаат само во првите три месеци, а не цело време.
