Meta најави промени во делот за гледање на видео содржина кај нивната Facebook апликација, дел кој досега беше наречен Facebook Watch. Со оглед на популарноста на кратките вертикални видеа, односно Reels, јасно е во кој правец ќе се движат од мрежата, а со тоа доаѓа и поедноставено име, Video.
Во делот Video корисниците ќе можат да ги видат на едно место сите видеа, без разлика дали се работи за Reels, стандардни видеа или видеа во живо. Овој дел очекувано ќе зависи во голем дел од предлозите кои Facebook ги смета интересни за корисникот, па нешто слично како во Explore делот во Instagram, корисниците ќе можат да го отворат Video делот за откривање на интересна видео содржина.
Од компанијата најавија и дека корисниците сега ќе можат да коментираат на Instagram Reels директно од Facebook, а веќе одамна овие видеа се достапни кај оваа мрежа во обид да и се задржи популарноста која е отидена во правец на Instagram.
Повторно може да се заклучи дека изминатите години пазарот го диктира TikTok, па повеќето промени што ги гледаме кај апликациите од Meta се во тој правец.
Покрај овие новини, корисниците на Facebook добиваат нови алатки за измена и креирање на видео содржина, алатки кои се во главно достапни за Reels видеа. Со тоа тие ќе можат многу полесно да ги средат видеата кои сакаат да ги објават.
Промените може да се очекуваат наскоро, односно во периодот што следи.
