Facebook оваа недела воведе можност за избор на личност која што ќе има одредени можности за менаџирање на вашиот профил, по вашата смрт. Досега постоеше можноста само да се промени профилот, меѓутоа никој не можеше да извршува одредени активности поврзани со него.
Можноста е наречена Контакт Наследник, односно Legacy Contact, личност која што самите ја избирате преку ново поставена опцијата во прилагодувањата за безбедност на вашиот профил. На почеток оваа можност е достапна само за корисниците во САД, а од Facebook најавуваат дека планираат да ја овозможат и на другите корисници. Изборот на наследник на профилот се прави по избор, односно не е нешто што корисниците мора да го направат.
Контактот Наследник се избира преку Settings > Security > Legacy Contact. По изворот на некој од пријателите да биде наследник, истиот може да биде известен преку порака. Во случај на смрт, наследникот треба да го информира Facebook за случајот, по што ќе биде променет профилот и над името ќе биде поставен насловот – Во сеќавање (Remembering).
Наследниците на профилот ќе имаат ограничени можности со профилот, односно тие нема да можат да објавуваат во име на починатиот корисник, а исто така тие нема да имаат пристап до пораките на тој профил. При изборот на наследник, може да се дозволи можноста за симнување на сликите, објавите и информациите од профилот од негова страна. Контактот Наследник на профилот ќе ги има следните можности:
- Пишување на објава која што ќе биде на горната страна до профилот (на пример, најава за одржување на погребот или објавување на некоја друга посебна порака)
- Одговарање на нови покани за пријателство од членови на фамилијата и пријатели кои што не биле претходно поврзани
- Менување на главната профил слика, како и насловната слика
Според Facebook воведувањето на вакви можности се предлог на корисниците. Дали според вас вакво нешто е потребно на мрежата и дали би избрале ваш наследник по воведување на можноста во цел свет ?
Извор: Facebook