Apple се познати по големиот број на патенти, а голем дел од нив се интересни и го привлекуваат вниманието, без разлика дали некогаш ќе ги видиме во комерцијален производ. Најновиот патент е софтвер за таканаречени „синтетички групни селфи слики“.
Ова значи дека корисниците кои се на различни локации може да направат селфи слики, а софтверот ќе ги намести како што треба за да изгледа како класично селфи, сликано од луѓе кои се едни до други.
Според патент апликацијата, корисниците добиваат покана за селфи и истата може да ја прифатат, по што ќе бидат ставени во сликата со останатите. Покрај селфи слики, може да се зачуваат и кратки видео клипови, односно движечки слики, како и стриминг во живо.
По сликањето на сликата, корисниците може да ја зачуваат и оригиналната слика, односно сликата каде што се само тие.
