Мерењето на температурата на луѓето е еден од најчестите начини за проверка дали некој можеби е заболен со COVID-19, како симптом којшто го имаат голем дел од заболените, а посебно тие кај кои болеста сепак покажува нешто поголеми симптоми.
Huawei со нивниот нов Honor Play 4 Pro сака оваа активност да ја направи најдостапна што може, па инфрацрвениот сензор во модулот на камерата е искористен да ја мери и температурата на објектите пред него, вклучувајќи ги и луѓето.
Мерењето се прави едноставно, се вклучува посебната апликација, телефонот се доближува do челото на тој што му се мери температурата и истата се прикажува на телефонот. Може да се мери температура од -20 до 100 степени целзиусови, што е погодно за мерење на повеќе работи освен човечката температура.
Како функционира оваа функција кај Honor Play 4 Pro е демонстрирано на видео на кинеската мрежа Weibo на овој линк.
