Додека ја чекаме стратегијата Age of Empires World Domination која е најавена за оваа есен, Microsoft не почести со продолжение за Windows Phone нареченo Castle Siege. По неуспехот сo другите серијали за мобилна верзија и онлајн од компанијата се решиле да го држат името AOE во живот со игра од жанрот tower defense.
Иако можеби не е класична tower defense, со оглед на тоа што не може да се одбраните во вистинско време, луѓето од Smoking Gun Interactive и Microsoft ги искористиле класичните моменти од овој жанр и ги измешале со добропознатите сегменти од Age of Empires.
Наспроти другите продолженија што може да се најдат во Windows Store продавницата, па и на другите оперативни системи, Microsoft обрнува внимание на историската точност и ги користи податоците за да создаде мини игра која треба да ви ја освежи зависноста од Age of Empires и истовремено да ви понуди нешто ново за да го задржи вашето внимание.
Цивилизациите што се застапени во играта се Бретонци, Теутонци, Киевски Руси и Византијци, а секој од нив има различни војници и технологии. Првенствено играта налага да се браните од напади, а потоа да создадете армија и да нападнете.
Играта е базирана на Freemium моделот и не може да се очекува класично развивање на една цивилизација, барем не како што сте се навикнале со Age of Empires. Се’ може да се купи со ресурси, а секако има опција и да се плати со пари.
Иако значително послаба од Anomaly 2 и Autmun Dinasty кога станува збор за графика и игривост, колку за споредба Anоmаly има навистина интересни ефекти, оваа игра нуди едно бесплатно носталгично искуство во вашиот џеб секако доколку сте на Windows Phone 8.
Поврзана со Xbox го нуди истото што и Google Play го има воспоставено во својот мобилен гејминг систем и секако доколку поседувате Xbox 360 или Xbox One сиот напредок ви е поврзан со вашиот налог на Xbox.
АОЕ Castle Siege e достапна за корисниците на Windows Phone 8.1 и Windows Phone 8, а може да се игра и на компјутер исто така со овој оперативен систем, односно Windows 8.
Уште една добра страна е што може да работи на уреди со 512 GB RAM. Ако сте хардкор играчи на AOE можеби ќе истраете да стигнете до Age IV каде што навистина почнува да се развива играта. Се до таму за многумина што сакаат само инстант забава нема да пројде така лесно. Тоа го оставаме за Age of Empires World Domination која е најавена за сите оперативни системи и како вистинска стратегија, каква што всушност и ја знаеме AOE уште од 1997 година.
