Со оглед на фактот дека живееме во „зората“ на AI технологијата, а најголемите умови на денешницата веќе гласно предупредуваат на можните злоупотреби и несакани ефекти на истата, крајно време е отворено да се каже дека таа технологија е веќе зрела за злоупотреба.
Овој факт се согледува од само еден тест кој бил спроведен со цел да покаже кој е поспособен во таканаречениот „Phishin“, човекот или AI. Резултатите повеќе од очекувани, се разбира дека AI бил во состојба да „улови“ повеќе жртви и да дистрибуира злонамерен софтвер, секако за целите на тестот.
Поточно, ботот наречен SNAP_R зафатил вкупно 800 корисници испраќајќи по 6,75 твитови во минута, за да заврши со 275 потенцијални жртви. Од друга страна пак, неговиот човечки конкурент, зафатил далеку помалку корисници, 129, испраќајќи нешто повеќе од 1 твит по минута, резултирајќи со само 49 потенцијални жртви.
Сега за сега, AI е далеку од холивудските сценарија за превземање на контролата врз човечкиот род, меѓутоа, во погрешни раце би можело да претставува вистинска закана, а верувањата се дека тоа веќе се случува.
Како што е познато, главниот адут на AI е способноста да „размислува“ побрзо од човекот, па така во прво време се очекува AI да се злоупотребува на ниво на прибирање и анализирање на информации и податоци. „Плодна почва“ секако претставуваат така наречените „Big Data“ без кои е незамисливо постоењето на интернетот онаков каков што го знаеме. Со помош на овие информации, хакерските напади ќе станат поуспешни и помалку предвидливи. Доволна причина оваа тема да ја симне етикетата на табу.
Извори: Gizmodo
