Во светот на технологијата, скоро секогаш еден производител е зачетник на нов тренд. На пример, иако и пред iPhone имаше смартфони, токму телефонот на Apple ги популаризираше, особено онаа форма со голем дисплеј на допир. Истото важи и за iPad таблетот, кој иако не беше пионер, направи вистински бум на пазарот со своите карактеристики.
Сепак, во една друга категорија наречена „2 во 1“ уреди, кои можат да се користат и како таблет и како лаптоп, Microsoft беше пионерот со Surface линијата.
Според тоа, може слободно да се каже дека со iPad Pro линијата, Apple на некој начин го копира Microsoft и нивните идеи за хибриден уред кој го има најдоброто од двата света. Ова во интервју за Business Insider го кажа и Рајан Гевин, генерален менаџер во Microsoft, кој изјави дека иако сите биле скептични за Surface Pro линијата кога била лансирана, сега сите го следат примерот и дури и Apple, кој го следи примерот на „2 во 1“ уред.
Тој потоа продолжува дека главната предност на нивната Surface линија е што во ниту еден дел не копира некаков Apple продукт, нешто што долго време го правеше Android конкуренцијата на пример, и во светот на смартфоните и на таблетите.
Сепак, иако iPad Pro се обидува да биде своевиден „2 во 1“ компјутер, односно таблет и лаптоп, според многумина му недостасува флексибилност на вистински лаптоп, дури и ако ја купите дополнителната тастатура. Ова се донесува пред се на софтверот – iOS е се подобар и подобар за професионално користење, но и натаму не е идеален за сериозна работа, односно нема доволно такви апликации а и нема ниту добра поддршка за маус.
Извор: Business Insider, CNET, Phone Arena
