Кога го најавивме новиот MacBook Pro, рековме дека Touch Bar е одличен додаток на серијата, кој може да помогне во подобрено корисничко искуство, но дека за тоа ќе треба и дивелоперите да ги прилагодат своите апликации. Едни од првите кои го овозможуваат се Adobe во Photoshop CC, кој сега има целосна поддршка за Touch Bar, давајќи му ги на корисникот најважните функции на еден допир од прстот.
Новите “Touch Bar” можности во Photoshop CC за Mac OS можат да ги добијат сите кои се претплатени на “Creative Cloud” на Adobe преку најновата надградба. Функционалностите во оваа верзија се прилично длабоки и вклучуваат три различни форми на интеракција со поставките: Layer Properties (Smart Objects, Masking, Clipping), Brushes (Боја, Големина, Тврдина и Проѕирност) и Favorites.
:no_upscale()/cdn3.vox-cdn.com/uploads/chorus_asset/file/7638981/brush.gif){kind=small}
Ова ги става најчесто користените функции во Photoshop близу до допирот на корисникот, но верувам дека за секој корисник поединечно токму Favorites функцијата ќе биде најкорисна. Тука, секој корисник може да си ги прилагоди поставките, односно може да ги стави оние кои најчесто ги користи. На пример, имате неколку филтри кои најчесто ги користите на вашите фотографии? Тоа е местото каде можете да ги поставите.
Touch Bar со Photoshop ќе овозможи и лесно и прецизно подесување на одредени параметри, преку слајдер кој може да се лизга со прстот, исто како што би правеле на дисплеј на допир.
Извор: The Verge, Digital Trends, Adobe
