При крајот на јануари Meizu претстави интересен концепт телефон којшто воопшто нема физички копчиња на него, како и било какви порти за полнење и слично.
Овој телефон беше пуштен да собира средства на Indiegogo платформата, меѓутоа не успеа да ги собере планираните средства, а на поддржувачите ќе им бидат вратени парите.
Дали поради неуспехот на кампањата или можеби навистина е како што оваа недела изјави директорот на компанијата, меѓутоа Meizu Zero никогаш не бил планиран за масовно производство, а целата кампања била испланирана од страна на маркетинг секторот во компанијата.
Доколку ова е точно, тогаш собирањето на реални средства од корисниците на Indiegogo навистина е сериозен потег. Што ќе се случеше доколку потребните средства беа собрани.
Сепак, директорот на компанијата истакна дека телефонот не бил планиран за масовно производство, а тоа не значи дека не би била произведена мала количина за да биде испорачана на поддржувачите.
Карактеристиките на уредот се од повисоката класа, а истиот можете да го погледнете на овој линк.
