Hyperloop е концепт за транспорт прикажан како труд од страна на Elon Musk пред скоро 2 години. Се работи за навистина интересен концепт кој што треба да овозможи движење на возовите во системот со брзини и до 1.200 km/h.
Концептот е составен од еден вид на туби, односно тунели кои што се поставени над земјата во посебно направена пруга од нив. Тубите ќе бидат држени под благ вакуум што ќе овозможи помало триење на возилото, односно посебно направените вагони внатре, поради што ќе бидат овозможени големите брзини.
Моментално концептот се развива, меѓутоа никој нема изградено било каков дел од него, односно се работи само на развојот на дизајнот и карактеристиките. Посебна компанија беше оформена која што го превзема развојот, а до некаде и го унапреди во период кога се мислеше дека Musk нема да продолжи да работи на него.
Преку неговиот Twitter, Elon Musk извести дека сепак останува во проектот и дека ќе инвестира во изградба на тест пруга на која што ќе може да се тестира се што ќе биде развиено за овој проект. Пругата ќе биде со должина од околу 8 километри, а треба да се најде локацијата, за која што се размислува да биде некаде во Тексас.
Will be building a Hyperloop test track for companies and student teams to test out their pods. Most likely in Texas.
— Elon Musk (@elonmusk) January 15, 2015
Пругата ќе работи на отворен принцип, односно луѓето кои што ќе работат на проектот ќе можат да ги тестираат своите прототипови на неа. Истата ќе биде наменета за компаниите кои што работат на развојот, како и на студенти кои што ќе работат на развој на концепти. Се најавуваат дури и трки помеѓу разните развиени концепти на вагони и нивниот начин на работа.
