Кој ако не Evan Blass! Твитерџијата кој е познат по протечените фотографии и информации за скоро сите нови смартфони и останати преносни уреди, не послужи со две нови фотографии од Lenovo Moto смартфони, односно нивните нови Z2 Force и X паметни телефони.
Moto Z2 Force ќе биде поинтересниот од двата, бидејќи на него ќе може да се вградат Moto Mods додатоците. Самиот телефон ќе има многу сличен дизајн на тој од минатата година и ќе има стакло на дисплејот со Moto ShatterShield, кое нема да може да се скрши доколку ви падне на земја, дури и од поголеми висини, технологија која е веќе докажана во неколку модели на Moto од минатото, како на пример претходникот Moto Z Force.
Moto Z2 Force for AT&T pic.twitter.com/N0h001Xema
— Evan Blass (@evleaks) July 4, 2017
Дисплејот на Moto Z2 Force ќе има големина од 5,5 инчи и Full HD резолуција (што е чудно) и најверојатно ќе биде опремен со Snapdragon 835 процесор и 6 GB рам меморија. Ова ќе биде и еден од првите телефони со поддршка за LTE мрежи со брзина од 1 гигабит.
Moto X пак ќе биде смартфон од средно – високата класа, кој има солидни спецификации, но за жал нема поддршка за Moto Mods додатоците. Тој ќе има стандарден дизајн и изработка од алуминиум, со 5,2 инчен Full HD дисплеј, Snapdragon 630 процесор, 4 GB рам меморија и двојна задна камера, комбинација на сензори со 8 и 12 мегапиксели. Moto X ќе биде опремен и со батерија од 3.000 mAh, како и со скоро чист Android 7.1.1 оперативен систем. Интересно, Moto X ќе има IP68 отпорност на вода и прашина, нешто што не е најавено за Moto Z2 Force.
Happy X4th of July pic.twitter.com/a03dq1XvIc
— Evan Blass (@evleaks) July 4, 2017
Сѐ уште нема информации за тоа кога овие смартфони ќе ги видиме на пазарот, но со оглед на тоа што веќе се достапни скоро сите информации за нив, очекувајте тоа да се случи многу наскоро.
Извор: Android Central, Android and Me, TechRadar