Покрај протечените слики и информации за најпопуларните смартфони, неретко наидуваме и на концепти замислени од фриленс дизајнери, кои со нив сакаат да ги привлечат големите компании. Еден од нив е AGVIDEOS, YouTube корисник кој извади нов концепт за iPhone 8, замислен без рамка околу дисплејот и дополнителен Touch Bar.
Убавината во овој концепт е што Touch Bar ќе може да се користи за лансирање на апликации додека е пуштена друга апликација, нешто слично на Mac OS Dock или Windows Taskbar. Touch Bar може да се користи и за дополнителни гестови со прстот за мултитаскинг функции, а доколку Apple некогаш одлучи да го вгради, сигурен сум дека ќе може да му вметне уште некоја функција.
Дизајнерот замислил и неколку други интересни функционалности, како на пример AirDrop 2.0 споделување на датотеки само со “drag&drop” кон друг iPhone. Сите овие подобрувања би биле дел од iOS 11, кој е засега сам замисла на креаторот на овој концепт.
Хардверски, iPhone 8 концептот е замислен како смартфон без рамка околу дисплејот и читач за отпечатоци вграден во самиот екран. Дисплејот е AMOLED, што е очекувано, бидејќи е скоро и сигурно дека iPhone 8 ќе има таква технологија.
Според она што досега го знаеме за iPhone 8, единствено AMOLED дисплејот со многу мала рамка и читачот за отпечатоци во екранот би можеле да бидат вградени во него. Останатите софтверски подобрувања скоро сигурно нема да ги видиме, иако делуваат навистина иновативно и футуристички.
Извор: BGR, Value Walk, Wccftech
