Љубителите на Apple производите, таканаречените Apple fanboys, со нетрпение го очекуваат најновиот iPhone, кој треба да биде јубилеен, бидејќи изминаа точно 10 години откако Steve Jobs за прв пат го претстави револуционерниот уред. Но, iPhone-от е до таа мера искомерцијализиран што никој не може да остане рамнодушен на гласините кои протекуваат на интернет, а и на интересните концептуални дизајни на креативните графички дизајнери.
Според досегашните информаци кои секојдневно протекуваат на интернет, можеме да имаме неколку претпоставки за тоа што може да очекуваме од новиот iPhone.
Очекувањата на сите се дека Apple повторно ќе редефинира се што може да направи еден мобилен телефон. Дали ќе се исполнат очекувањата, останува да видиме за неполна година.
» Технички Спецификации кои може да ги видиме кај новиот iPhone:
- Нов процесор, најверојатно A10 или A11
- Изработен од стакло и нерѓосувачки челик
- Екран кој ќе биде од крај до крај
- Безжично полнење
- Виртуелно Home копче (или воопшто ќе нема)
- Камера со Dual-Lens со можност за Виртуелна Реалност
- Поддршка за Apple Pencil
- Скенер на зеница како замена за Touch ID
- Нови бои (можна е црвена)
- Поскапа цена од вообичаената.
o Именувањето на новиот iPhone сеуште е мистерија. Не знаеме дали ќе биде iPhone 8, iPhone 10, iPhone X, iPhone 7s или нешто сосема поинакво. Според редниот број кој следи, големи се шансите да се вика iPhone 8. Но, исто така, според некои гласини може да биде и iPhone 10, поради јубилејните 10 години од првото претставување, или пак iPhone X, како што направија со Mac OS X (каде X е 10 според римските бројки).
o Во февруари 2017-та, Apple се приклучи на Wireless Power Consortium, што според многумина е предзнак дека Apple планираат да имплементираат бежично полнење кај новиот iPhone. Nikkei Asian Review исто така објави дека Foxconn, еден од главните снабдувачи на Apple, почнал со изработка на безжични полначи за iPhone. Се очекува сите претстојни модели да ја имаат опцијата за бежично полнење.
o Се очекува Apple да претстави 3 нови модели и тоа премиум модел кој би имал 5.8 инчен екран. Овој модел би бил изработен целосно од два стаклени панели кои би биле поврзани со рамка од нерѓосувачки челик. iPhone 7s би бил со 4.7 инчен екран и со алуминиумска легура. За iPhone 7s Plus сеуште нема информации кои би можел да ги објавам, но скоро е отфрлена можноста за ќерамичко куќиште.
o Според германскиот сајт Handy Abovergleich, iPhone 8 ќе има вграден скенер на зеница, со што ќе можете да го отклучувате iPhone-от само со поглед кон телефонот. Според мене, тоа е една од највозбудливите новости кои ќе бидат имплементирани. Замислете, само со еден поглед и Вашиот iPhone ќе биде отклучен, ќе можете да симнувате апликации од app store … Но, има уште една претпоставка дека ќе има технологија за препознавање на лице.
o Доколку се случи гласините за бежичен полнач да се вистините, тогаш можеби ќе кажеме “Збогум” на Lightning приклучокот на iPhone и во тој случај речиси и ќе нема дупки на уредот. На тој начин, новиот iPhone би бил скоро целосно водоотпорен.
