YouTube Shorts, кратките видеа во стилот на TikTok и Instagram Reels, веќе нема да може да прикажуваат линкови, а ова е направено со цел да се спречи очигледно големата појава на спамирање на корисниците.
Линковите нема да може да се поставуваат во описот на видеото, во коментарите, како и за време на видео во живо. Исто така, на десктоп корисниците нема да можат да кликнат на иконите од друштвени мрежи на каналот од креаторите на овие видеа.
Со оглед на фактот дека можноста за додавање на линкови е доста важна за креаторите, од компанијата ќе им овозможат нови начини како безбедно тоа да го направат.
Еден пример е додавање на линкови во сличен стил како на Instagram, односно во описот од каналот, каде креаторите ќе можат да додадат неколку линкови.
Со оглед на тоа што од Google се имаат одлучено на ваков потег, покажува колку е сериозен проблемот со спам линкови кои се поставуваат на Shorts видеата, а посебно тие во коментарите.