Гугл овозможи користење на уште една негова апликација на уреди кои користат Android оперативен систем. Овој пат, се работи за апликацијата Google Contacts, која е достапна на уреди со оперативен систем Android 5.0 Lollipop или понов.
Апликацијата за Android вклучува корисни алатки како можноста за спојување на дупли контакти или пак автоматско предложување за дополнување или измена на податоците кај одреден контакт. Понатаму, се покажува како идеална доколку поседувате повеќе Google сметки, бидејќи овозможува лесно навигирање и менаџирање на истите, како и практично поврзување со трети апликации од типот на Facebook.
До неодамна, Гугл ја овозможи апликацијата за уреди на Nexus, Pixel, Android One и Google Play Edition, меѓутоа со последното дополнување, апликацијата ќе можат да ја користат дополнителен, голем број на корисници.
Апликацијата е достапна едноставно преку „продавницата“ Play Store.
Извор: Engadget, Android Police
