Apple iPhone од првата генерација, неотпакуван во своето оригинално пакување, беше продаден на аукција за 35.414 долари.
Кога ќе се земе во предвид значењето на овој телефон за телефонската индустрија, како и фактот дека е некористен, цената и не треба да изненадува.
Според информациите и сликата на кутијата, се работи за првата серија од претставувањето на iPhone во 2007 година, а тоа се гледа од достапноста на 12 икони. Иконата за iTunes е додадена подоцна.
Ова е телефонот кој може да се каже дека претставуваше револуција на пазарот и целосно го промени начинот на којшто ги користиме телефоните денес. Иако во тоа време веќе постоеја телефони со екран на допир, тие во главно беа со лош квалитет и со кориснички интерфејс кој не е баш развиен како што треба.
Apple го започна трендот на телефони без копчиња, со капацитивен екран и апликации специјално развиени за користење на еден ваков уред.