Meta продолжува да додава доста нови функции кај нивната WhatsApp, па иако апликацијата е во сопственост на оваа компанија, сепак важи за една од побезбедните на пазарот.
Најновата функција е поврзана со приватноста на корисниците, поточно со можноста да се направи слика од нивната профилна слика. WhatsApp ќе го блокира правењето на слика од екранот (screenshot) кога истата се прави од сликата на корисникот.
Кога некој ќе проба да направи слика од екранот во ваков случај, сликата ќе биде целосно црна. Вакво нешто веќе имаме видено како заштита која ја користат апликациите за стриминг на видео кои не сакаат да дозволат правење слики од нивната содржина.
Новината кај WhatsApp не е се’ уште официјално најавена, а се пушта како серверска надградба, односно не зависи од ажурирање на самата апликација.
Достапноста е пријавена од повеќе корисници, па се очекува во периодот што следат да им биде пуштена на сите.
