Доколку бевте корисник на можеби најпознатата календар апликација Sunrise, достапна на Android и iOS, од вчера оваа апликација веќе не постои. Истото беше најавено уште во мај, а тогашниот рок беше поставен за 31-ви август.
Иако апликацијата доби неколку недели повеќе, сепак нејзиниот крај не беше под знак прашалник. Ова беше познато уште од купувањето на компанијата зад развојот на апликацијата од страна на Microsoft и најавата дека сите нејзини функции ќе бидат со тек на време интегрирани во Outlook апликацијата исто така достапна на двете платформи.
Со исклучувањето на Sunrise, дополнителен дел од функциите од апликацијата беа оваа недела додадени во Outlook, како што беше најавено. Со тоа корисниците кои сакаа да ја користат оваа апликација ќе можат да продолжат да имаат слично корисничко искуство со Outlook, но во една апликација наменета пред се за имејл.
Новите функции кои Outlook ги добива ги вклучува следните:
- Икони за настаните кои се додаваат автоматски зависно од употребените зборови
- Interesting Calendars – можност за следење на активностите на омилените тимови и понатаму ТВ серии
- Автоматско довршување на адресите на настаните, како и автоматско додавање на мапа
- Подобрување во делот за додавање на настани
Можеби дел од новините нема многу да им користат на корисниците од нашата земја, но со тек на време сигурно ќе им и дополнителни подобрувања.
