Тие кои сакаат да го менуваат искуството и дизајнот на своите Android уреди сигурно стигнале до категоријата апликации наречени Launcher-и (кориснички опкружувања) кои уредуваат како изгледа основното командно опкружување во кое бирате апликации, ставате widget-и и слично. Тие пак кои прочепкале низ достапните вакви апликации сигурно го забележале Nova Launcher, еден од најдобрите кориснички опкружувања за Android.
Програмерите од Nova одлучија позитивно да не` изненадат и да ја пуштат најновата бета за нивната апликација преработена во Материјален дизајн, најновата насока на дизајн за Android која Google почна да ја турка со Android 5 Lollipop. Бетата можете да ја симнете од Google+ групата за јавни бети на оваа апликација.
Инаку, новиот дизајн како што веќе пишавме погоре се базира на т.н. Материјален дизајн кој е скоро рамен и исклучително чист. Во новиот изглед попаметно се употребени разните бои и нудат далеку повеќе контраст и вкус во однос на претходната верзија. За сите промени проверете ја следнава листа:
- сите дијалози и екрани за нагодувања се со Материјален дизајн
- нови и преработени анимации
- вградена поддршка за Android for Work профили на Lollipop
- отфрлена поддршка за Android 4.0, почнува од 4.1
- Nova Action за Expand Notifications не работи на Samsung верзијата со Lollipop
- Google Search се појавува како слој над другите елементи
- нови Nova Action икони
- нови главни површини се отвораат или затвораат со влечење или бришење на икони
- можност да се додаваат празни главни површини
- подобрено уредување на папки
- можност да се смени бојата за индикатор на страна
- неограничен број на страници на главната површина (претходно беа ограничени на 9)
- додадена сенка на непрочитани беџови; нивната големина се менува во однос на големината на иконите
- максимална големина на иконите зголемена до 150%
- додадена опција за преместување на папките во избирачот на апликации (app drawer)
- додаден Roboto-Medium фонтот како опција
- подобро управување со апликации инсталирани на SD картичка
Извор: PhoneArena, Slashgear, Android Central