Facebook Messenger во својот код „крие“ неколку работи кои може да бидат претставени во иднина како нови функции. Нив ги имаат забележано од порталот The Information, а конкретно во апликацијата за iOS.
Од тоа што го имаат забележано, се верува дека Facebook ја спрема можноста Messenger апликацијата да може да се користи за купување на производи. Се разбира, како сето тоа би изгледало и би се одвивало не може да се открие само од мал дел од кодот, па остануваат претпоставките.
Се верува дека корисниците ќе можат да купуваат производи од брендовите со коишто комуницираат директно од оваа апликација наменета за разговори.
Покрај оваа можност, кодот укажува и за функција „тајни разговори“, нешто што сепак е очекувано да дојде на оваа платформа. Повеќето други познати вакви апликации веќе нудат одредено ниво на енкрипција на разговорите, односно нивна тајност, а доста популарни се и апликации кои се направени специјално со ваква можност.
Во каква форма би биле тајните разговори не е познато, а истите може да бидат цело време енкриптирани или само по избор на корисникот, како што е случајот со Telegram Messenger.
Извор: TNW, The Information
