Денес Lenovo го најави Miix2, наследникот на популарниот Miix таблет. Овој 8-инчен таблет доаѓа со инсталиран Windows 8.1 и Microsoft Office Home & Student 2013 пакет.
Таблетот користи четири-јадрен Intel Bay Trail-T процесор базиран на Atom S архитектурата со интегриран Intel HD графички чип од седма генерација. Исто така, вградени се 2 гигабајти RAM меморија и до 128 гигабајти eMMC меморија со можност за дополнителна надградба со micro-SD картичка.
Miix2 е со дебелина од 8,35 милиметри и тежина од 350 грама. Дисплејот има десет точки на допир и е со 16:10 резолуција од 1280 x 800 пиксели. Во Miix2 интегрирани се две камери, по една на предната и задната страна со резолуција од 2 и 5 мега-пиксели.
Од Lenovo најавуваат цена од 299$ и достапност околу крајот на месецов.
