Освен серии на Нетфликс, еве неколку добри предлози на текстови како да го пополните времето интелектуално (од се по нешто):
- Hackers will be the weapon of choice for governments in 2020. Ако ве интересира геостратегија, глобални односи (политички и воени) и како хакерството (ќ)е биде голем фактор во овие релации, бујрум. Сајбер-напади врз поединци или влади, мешање во избори, одмазда за бан за учество на Олимпијада, од се по нешто.
- Our pathetically slow shift to clean energy, in five charts. Колку и да посакувам да е поинаку, обновливите „чисти“ извори на енергија засега се’ уште се само маргина во енергетскиот свет. И покрај сите субвенции и олеснителни околности, електричната енергија генерирана на глобално ниво од обвновливи извори како % во вкупниот енергетски биланс е минимално зголемена – на сметка на нуклеарната енергија која исто се смета за „чиста“ (уделот на изворите на енергија од фосилни горива е скоро непроменет во периодот 2008-2018).
- 2010s: When the Media lost their gatekeepers. Медиа експертот Маршал МекЛуан објаснува како светот се промени во претходната декада и што може да очекуваме во следните 10 години, со фокус на промените во комуникациските технологии. Иднината е децентрализирана и тука?
- An elegy for cash: the technology we might never replace. Текст зошто кешот кој обезбедува приватност и слобода не треба да го потценуваме. Особено не во време кога шпиунажата и „ѕиркањето“ се длабоко навлезени во секоја пора од нашето живеење. И дека можеби е најдобро-достапна алтернатива за приватност и слобода што ја имаме?
- Препорака за филм: Official Secrets (2019). Кога САД е на ивица на војна со Иран, ова е одличен филм според вистинска приказна за лагите и манипулациите кои беа користени во 2003 со цел да се оправда воен напад врз Ирак – и обидот на една млада девојка „свиркач“ да ги разоткрие службите на Буш и Блер.
Уживајте.
