Една од неофицијалните информации кои излегоа последниов период, а поврзани со наредната генерација од iPhone, говореа дека седмицата нема да вклучува некои позначајни новини во споредба со актуелните модели. Apple наводно планира да воведува поголеми новини на секои три, наместо две години. Оваа информација во главно се однесуваше на дизајнот на уредите, па тоа значи дека би требало да се очекуваат новини во другите области.
Според се’ уште неофицијални информации кои доаѓаат од @OnLeaks, iPhone 7 треба да има поголема батерија, нешто за што од Apple беа критикувани во актуелните модели кои дојдоа со помала батерија.
Pretty reliable (not 100% but almost…) source told me #iPhone7 battery = 1960mAh (#iPhone6s = 1715mAh)
— OnLeaks (@OnLeaks) July 13, 2016
Актуелните модели сепак немаат помало траење на батеријата, поради новите чипови и оптимизации на оперативниот систем, а намалувањето на батеријата беше од 1.810 на 1750 mAh кај помалиот модел.
Според неофицијалните информации, iPhone 7 ќе дојде со 14% поголема батерија, со што истата треба да има капацитет од 1.960 mAh. Кога на ова ќе се додаде новиот чип кој ќе биде дел од новиот iPhone, како и iOS 10, корисниците би требало да бидат задоволни.
Информации за поголемиот модел нема, меѓутоа тој и така има поголема батерија, па критиките за него не се толку чести. Како и да е, доколку и Plus моделот добие зголемување на батеријата, iPhone ќе овозможи значително подобро корисничко искуство.
Извор: Forbes
