Сигурно повеќето од вас го користат најпознатиот сервис од овој вид, Google Maps, за пронаоѓање на локации во светот, но и за негово разгледување. Исто така, сигурно имате забележано дека за разлика од Google Earth, кога ќе ја „одзумирате“ мапата, светот е прикажан во рамен формат, наместо во реалната „топка“.
Од оваа недела, Google Maps на десктоп, односно на веб страната од сервисот, Земјата ќе биде прикажувана како топка, односно во форма на глобус, со што се добива реален приказ на планетата.
Причината за оваа промена е поточно и пореално прикажување на Земјата, нешто што досега правеше одредени „проблеми“, како на пример, Гренланд изгледаше како да е со иста големина со Африканскиот континент.
With 3D Globe Mode on Google Maps desktop, Greenland’s projection is no longer the size of Africa.
Just zoom all the way out at https://t.co/mIZTya01K3 ?? pic.twitter.com/CIkkS7It8d
— Google Maps (@googlemaps) August 2, 2018
Mercator Projection е наречен начинот на приказ на Земјата досега, а бил користен со цел подобро прикажување на улиците во градовите кога истите ќе бидат одзумирани до одреден степен. Сепак, од Google се решаваат за поточниот приказ, па сега Земјата можеме да ја гледаме точно како што е.