Google Chromecast, во случај да не сте целосно запознаени, е еден мал и навистина корисен уред од Google кој се поврзува на вашиот телевизор. Потоа, преку овој уред можете да пуштате работи од вашиот мобилен и други уреди, како на пример, Netflix, YouTube и многу други. Овој уред е посебно корисен доколку немате понов телевизор со сите апликации или истите не се баш во најнова верзија.
Овој уред уште пред 5 години е откриено дека има одреден безбедносен пропуст, па во погодна ситуација, хакери можат да добијат пристап до истиот, а со тоа и до одреден информации. Па така, хакери може да пристапат до уредите кои се поврзани на Chromecast, да пуштаат содржина без дозвола од корисниците и слично.
Поради тоа што од Google до денес го немаат средено овој пропуст, група на хакери имаат пристапено до илјадници Chromecast уреди и на нив имаат пуштено “попап” известување за слабата безбедност на уредот.
Уште поинтересно, тие имаат пуштано видеа од познатиот PewDiePie, што не е прв случај оваа група да го промовира “јутјуберот”.
Ова е еден од многуте примери за тоа што значи поврзаноста во денешно време на интернет. Отворени сме на нарушување на нашата приватност, која некогаш е безопасна, меѓутоа во некои ситуации може сериозно да биде злоупотребена.
