Google вчера најави дека го зголемува лимитот на APK датотеките кои што можат да бидат објавени во Play Store продавницата за апликации. Во основа се работи за лимитот за големината на апликациите кои што корисниците ги симнуваат од продавницата.
Истиот сега е зголемен на 100MB од досегашните 50MB. Во 2015 година оваа одлука е и очекувана со оглед на се поголемиот број на корисници кои што користат брз мобилен интернет со поголем месечен лимит. Исто така, тука се и подобрите хардверски компоненти кои што дозволуваат поголем простор за складирање, како и работа со апликациите.
Доколку одредени апликации се поголеми од 100MB, односно потребни се дополнителни датотеки да бидат симнати по инсталирањето на апликацијата, корисниците ќе бидат известени пред нејзиното инсталирање.
„За да им дадеме поддршка на зголемениот број на програмери кои развиваат побогати апликации и игри на Google Play, го зголемуваме лимитот на APK датотеката на 100MB од 50MB“.
Извор: Android Developers Blog, VB, TNW