Доколку сте корисник на Note 4, поточно интернационалната верзија со ознака N910C веќе можете да ја очекувате надградбата на најновата верзија од Android, 6.0.1 Marshmallow.
Samsung Galaxy Note 4 N910C е верзијата која доаѓа со Exynos чип, па ова е уште еден начин да знаете кој модел го користите.
Дека процесот на надградба е почнат е потврдено од страна на читатели на некои од странските портали кои потоа ја проверија и објавија информацијата. Би било добро и корисно за останатите читатели, доколку некој од вас ја добие и инсталира надградбата, да не информира преку порака или во коментар.
Инаку Android Marshmallow треба да донесе доста подобрувања во работата на уредот, а уште поважно за тоа ќе придонесе и полесната верзија од TouchWiz која Samsung веќе одреден период се труди да ја направи поедноставна.
Извор: SamMobile, TechnoBuffalo, Ubergizmo
