Тим составен од физичари од Холандија работат на истражување на начинот на движење на микроскопските честички кои имаат способност да се движат самите во течност преку хемиска реакција со околината.
За таа цел тие имаат испечатено со 3Д печатач микроскопска верзија од познатиот Voyager вселенски брод од истоимената Start Trek серија.
Причината поради која е направено вакво нешто е истражувањето на тоа какво различните форми влијаат во способноста на честичките да се движат. Бродот е направен со големина од само 15 микрометри, односно 0,015 милиметри и треба соодветно да ги прикаже саканите информации.
Предноста на 3Д печатачите кои ги има во денешно време е што научниците можат да испечатат каква сакаат форма, за разлика од досега користените во главно тркалезни форми. Voyager, кој е обложен со платина, бил поставен во раствор со хидроген пероксид, со што може да се постигне движење.
Целта на едно вакво истражување е подобро разбирање на движењето на микроскопските честички, како што се бактериите, вирусите и слични во организмот. Со тоа може да се дојде до напредни начини на лекување, како што е директното носење на потребните лакови до делови од телото.
„Проучувајќи ги синтетичките микропливачи, ние би сакале да ги разбереме биолошките микропливачи. Ова разбирање може да помогне во развојот на нови „возила“ за достава на лекови, на пример, микророботи кои пливаат автономно и доставуваат лекови на саканите локации во човековото тело.“ – изјави за CNN Самиа Ухаџи, една од авторките на студијата.
Покрај печатењето на формата на вселенскиот брод Voyager, направени се повеќе други форми, а тоа е и целта на истражувањето.