Snapchat е еден од ретките сервиси за разговори кој остана достапен само преку својата мобилна апликација. Со оглед на тоа што овој сервис е најмногу користен и популарен кај помладите корисници, ова воопшто и не е чудно.
Сепак, како што истакнуваат од Snapchat, корисниците почнуваат да студираат и да работат, па тие почесто се во ситуација кога користат компјутер, па сервисот ќе ги следи станувајќи им достапен и надвор од нивните мобилни уреди.
За почеток веб пристапот до Snapchat е во тест фаза, односно е достапен во ограничен број на земји, во некои само за корисниците кои плаќаат претплата, а во други за сите. Во целиот свет од компанијата најавуваат дека ќе стане достапен наскоро.
Преку web.snapchat.com корисниците можат да ги отворат сите нивни разговори, да прават аудио и видео повици, да ги користат стандардните реакции и слично, а за понатаму од компанијата ги најавуваат и познатите Lenses ефекти.
