Invite е нова апликација од Microsoft Garage проектот во почеток достапна само за корисниците на iOS. Исто така, оваа апликација на почеток ќе биде достапна само за корисниците од САД и Канада, меѓутоа поради интересниот и навистина корисен концепт, решивме да ја претставиме.
Користејќи ја Invite, корисниците испраќаат покани за состанок со повеќе можни времиња. Корисниците кои што се поканети може да ја имаат апликацијата, меѓутоа и не мора, односно може да одговорат преку веб страната од сервисот. По добивањето на поканата, корисниците бираат кое од предложените времиња им одговара, а исто така им се прикажани и времињата избрани од другите поканети личности.
На овој начин се скратува времето кое што обично се губи во објаснување кој кога е слободен, преку нудење на повеќе слободни термини за организаторот.
По добивање на одговорите, испраќачот на поканата, односно организаторот на состанокот го одредува финалното договорено време и истото се испраќа и директно до календарите на останатите корисници.
Invite работи со Office 365 Work или Educations сметки, меѓутоа може да се користи и со обичните Outlook.com, Gmail и Yahoo email адреси.
Извор: Microsoft