Huawei најави минатата година дека работи на уред со екран на превиткување, па дури најавија дека нивниот уред официјално ќе биде претставен пред тој на Samsung.
Најавите се покажаа како точни, а од компанијата го закажаа својот настан во рамките на MWC 2019 во Барселона, на којшто ќе го претстават овој уред. Најавата доаѓа преку Twitter профилот на компанијата.
Come with us to explore #ConnectingTheFuture LIVE from #MWC @GSMA. Are you ready to reveal the unprecedented? #HuaweiMWC #MWC2019 pic.twitter.com/ErPD7eKMh1
— Huawei Mobile (@HuaweiMobile) February 1, 2019
Од самата слика може да се види дека се работи за уред кој се превиткува, но повеќе информации за овој уред немаме. Интересно е што немаше ни многу неофицијални информации, па така, овој уред на крајот од месецот ќе биде вистинско изненадување.
Како што си најавија Huawei минатата година, овој уред исто така ќе дојде со поддршка за 5G мрежи. Тие се’ уште се во развој, па корисниците ќе треба да почекаат некој месец додека да можат да ја искористат оваа поддршка, но добро е да се знае дека ја има.
