Android O, најновата верзија од оперативниот систем, според информации од Дејвид Рудок од Android Police, ќе биде пуштена порано од очекувањата. Поточно, новата верзија се очекува официјално да биде пуштена оваа есен, заедно со претставувањето на нови уреди од Google, како што тоа обично го прават.
Меѓутоа, Дејвид повикувајќи се на проверени извори, тврди дека Android O ќе стане достапен нешто порано, односно во август.
The official OTA to Android O for Pixel will likely drop in the first week or two of August. A bit earlier than Nexuses / Nougat last year.
— David Ruddock (@RDR0b11) June 6, 2017
Ова се разбира на повеќето корисници нема да им направи некоја голема разлика, односно познатото време на чекање, како и малиот број на понови уреди кои ја добиваат надградбата остануваат.
Ова се добри вести само за корисниците на уредите од Google, коишто ќе можат да ја очекуваат надградбата порано, но надградба на O најавија и уште неколку производители, меѓу кои и Nokia за својот 6 модел.
Инаку, Android O треба да ги продолжи подобрувањата од Nougat, а посебно во делот за заштеда на батеријата, мултитаскинг со 2 апликации, системот за нотификации, безбедноста и повеќе.
Android O се’ уште не е официјално именуван, иако очекувањата се дека тој ќе биде наречен Oreo. Според некои, од Google намерно оставаат ова име да биде очекувано со цел на официјалното претставување да изненадат со некое друго.
Извор: IB Times, TechnoBuffalo